हेटौंडाः हेटौंडा–२ स्थित ओम वृद्धाश्रममा ३१ औ अन्तर्राष्ट्रिय ज्येष्ठ नागरिक दिवस मनाइएको छ । सामाजिक विकास मन्त्रालय बागमती प्रदेशको आयोजना तथा ज्येष्ठ नागरिक जिल्ला संघ मकवानपुरको समन्वयमा जेष्ठ नागरिक दिवस मनाइएको हो ।
यस अवसरमा सामाजिक विकास मन्त्रालयले ५–५ लिटर फिनेल र हर्पिक्स, फिनेल कुचो, हन्डवास, माक्स लगायत स्वास्थ्य सामाग्री ओम वृद्धाआश्रमलाई सहयोग गरेको छ ।
यसैगरी १० जना ज्येष्ठ नागरिक र स्याहारकर्ता ८ जनालाई सम्मानित गरेको छ । शिक्षक हरिप्रसाद सिग्देलको सभाध्यक्षतामा कार्यक्रम भएको हो । कार्यक्रमका प्रमुख अतिथि सामाजिक विकास महाशाखाका प्रमुख गोपाल प्रसाद कडेलले संरक्षणका निति नभएको र सम्पूर्ण ज्येष्ठ नागरिकको हकहितमा अवश्यक आधारभूत सेवा उपयुक्त रुपमा दिन नसकेको बताउनुभयो ।
नेपालमा २६ हजारभन्दा बढी जेष्ठ नागरिक रहेको छ । बालकल्याण समाजका संयोजक प्रकाश खतिवडाले दिवस मनाइरहेको अवस्थामा जेष्ठ नागरिकको सम्पूर्ण हकअधिकार स्थापित हुनुपर्ने बताउनुभयो । सबै उमेर समूहको लागि विद्युतिय प्रविधिको प्रयोगमा समानता नाराका साथ दिवस मनाइएको थियो ।
