हेटौंडाः लागूऔषध अफिम जस्तो देखिने बस्तु २ किलो १०० ग्रामसहित मकवानपुरको कैलाश गाउँपालिकाका राजन मुक्तानलाई मकवानपुर प्रहरीले पक्राउ गरेको छ ।
शुक्रबार बिहान ९ बजेको समयमा भीमफेदी गाउँपालिकाको भैंसेस्थित प्रहरी चौकी भैंसेबाट खटिएको प्रहरी टोलीले भैंसे बजारबाटै राजनलाई पक्राउ गरेको जिल्ला प्रहरी कार्यालय मकवानपुरले जानकारी दिएको छ ।
शंकास्पद रुपमा हिँडिरहेको अवस्थामा कैलाश–२ का २१ वर्षीय राजन मुक्तानलाई सुरक्षाजाँच गर्ने क्रममा लागूऔषध अफिम जस्तो देखिने पदार्थसहित पक्राउ गरेको हो । कैलाश गाउँपालिका लागूऔषध गाँजा, अफिमको व्यावसायिक उत्पादन हुने क्षेत्र हो ।
पक्राउ परेका राजनलाई प्रहरीले हिरासतमा राखी आवश्यक अनुसन्धान गरिरहेको जनाएको छ । यसअघि बिहीबार दिउँसो पनि मकवानपुर प्रहरीले हेटौंडा–११, थानाभर्याङबाट एउटा ट्रकबाट लागूऔषध गाँजा १७५ केजीसहित दुईजनालाई नियन्त्रणमा लिएको थियो ।
