हेटौंडाः मकवानपुर प्रहरीले २६ हजार ९ सय ८५ रुपैयाँसहित ७ जना जुवाडेलाई पक्राउ गरेको छ । शनिबार हेटौंडा–१ चाइनाक्वाटरमा हारजित हुनेगरी तास खेलिरहेको अवस्थामा ७ जनालाई प्रहरीले पक्राउ गरेको हो ।
चाइनाक्वाटरको ३७ बर्षीय राकेश केसीको घरमा तास खेलिरहेको अवस्थामा हेटौंडा–१ का ३८ बर्षीय प्रदिप जंग पण्डित, ४० बर्षीय पदम बहादुर भण्डारी, ५५ बर्षीय एक बहादुर थापा, हेटौंडा–४ का ३१ बर्षीय दिपेन्द्र कुमार मिश्र, हेटौंडा–१० का ४२ बर्षीय उमेश श्रेष्ठ र धादिङ जिल्लाका धुनिवेशि नगरपालिका वडा नम्बर ९ घर भई हाल हेटौंडा–१ बस्दै आएका ३६ बर्षीय बाबु कृष्ण उप्रेतीलाई प्रहरीले पक्राउ गरेको हो ।
प्रहरीले उनीहरुलाई शनिबार नै पक्राउ गरेपनि घटना आइतबार मात्रै सार्वजनिक गरेको हो । जुवाडेहरुलाई नियन्त्रणमा लिई थप अनुसन्धान गरिरहेकोे जिल्ला प्रहरी कार्यालय मकवानपुरका प्रहरी निरीक्षक देवेन्द्र दासले जानकारी दिनुभयो ।
