हेटौंडा : पछिल्लो २४ घण्टामा मकवानपुरमा १ जनामा मात्र कोरोना संक्रमण पुष्टि भएको छ । स्वास्थ्य कार्यालय मकवानपुरले दिएको जानकारी अनुसार २२ जनामा गरिएको एन्टिजेन परिक्षणमा १ जनामा मात्र कोरोना संक्रमण देखिएको र ७ जनामा गरिएको पिसीआर परिक्षणमा संक्रमण नदेखिएको स्वास्थ्य कार्यालय मकवानपुरले जानएको छ ।
कोरोना संक्रमण हुने १ जना थाहा नगरपालिकाका रहेका छन् । आइतबार होम आइसोलेसनमा बस्ने ३ जना र संस्थागत आइसोलेसनमा बस्ने ३ जना गरी ६ जना कोरोना संक्रमित कोरोनालाई जितेका छन् । यो सँगै जिल्लामा १४ हजार ५ सय १९ जनाले कोरोनालाई जितेका छन् । हाल संस्थागत आइसोलेसनमा ७ जना र होम आइसोलेसनमा २७० जना कोरोना संक्रमित रहेका छन् ।
