हेटौंडा: हेटौंडा–११, नवलपुरस्थित बागेश्वरी महिला बचत तथा ऋण सहकारी संस्था लिमिटेडले आफ्नो १३ औँ स्थापना दिवसको अवसरमा रक्तदान कार्यक्रम गरेको छ ।
सहकारीमा भएको रक्तदानमा ३५ जनाले रक्तदान गरेको रक्तसंचार केन्द्र हेटौंडा शाखाका प्राविधिक विष्णु रिमालले जानकारी दिनुभयो ।
हेटौंडा–११ का वडाअध्यक्ष गोकर्ण प्रसाद पराजुलीको प्रमुख आतिथ्यमा रक्तदान भएको थियो । कार्यक्रममा ११ नम्बर वडा सदस्य जुना दाहाल, रेडक्रस सोसाइटी ११ नम्बर वडाका अध्यक्ष सुमित्रा काफ्ले, सचिव देवकुमार श्रेष्ठ लगायतको उपस्थिति रहेको थियो ।
