हेटौंडाः मकवापनुरमा आइतबार ४१ जनाले कोरोनालाई जितेका छन् । स्वास्थ्य कार्यालय मकवानपुरका अनसार होम आइसोलसनमा बसेका ३६ जना र ५ जना संस्थागत आइसोलेसनमा रहेकाले कोरोनालाई जितेका हुन् । यो सहित हालसम्म १४ हजार १ सय २५ जनाले मकवानपुरमा कोरोनालाई जितेका छन् ।
यसैगरी पछिल्लो २४ घण्टामा जिल्लामा १४ जनाको स्वाब नमूनाको कोरोना परीक्षण भएको छ । हेटौंडा उपमहानगरका १४ जना र मनहरीको २ जनाको स्वाब नमूना परीक्षण भएको थियो । उनीहरु मध्ये कसैलाई पनि कोरोना पुष्टि नभएको स्वास्थ्य कार्यालय मकवानपुरले जनाएको छ । जिल्ला हालसम्म १४ हजार ५ सय ४ जनामा कोरोना पुष्टि भइसकेको छ । हाल जिल्लामा १४९ जना संक्रिय संक्रमित रहेका छन् ।
