हेटौंडाः हेटौंडाको बुद्धचोकमा राडो नेपालले मास्क लगाऊ अभियान कार्यक्रमको आयोजना गरेको छ । आइतबार कार्यक्रम संयोजक दिपेन्द्र पाठकको नेतृत्वमा राडो नेपालको टिमसहित टोलीले मास्क लगाउ अभियान अन्तर्गत सचेतनामुलक कार्यक्रम गरेका हुन् ।
राडो नेपालले हेटौंडा–२ स्थित राष्ट्रिय परीक्षा बोर्ड अगाडीबाट बुद्धचोकसम्म आइतबार म पनि मास्क लगाउछु र अरुलाई पनि लगाउन प्रेरित गर्छु लेखिएको व्यानरसहित प्रदर्शन गरेका थिए ।
मास्कको सबैले प्रयोग गर्नुपर्ने र कोरोनाबाट बच्न सकिने प्रमुुख माध्यम रहेको कार्यक्रम संयोजक दिपेन्द्र पाठकले बताउनुभयो । उनीहरुले बुद्धचोकमा पम्प्लेट सहितको सचेतनामुलक कार्यक्रम गरेका थिए ।
