हेटौंडाः हेटौंडामा शनिबार रक्तदान कार्यक्रम सम्पन्न भएको छ । लायन्स क्लब अफ भूटनदेवीको आयोजनामा रक्तदान कार्यक्रम भएको हो । रक्तदान कार्यक्रममा ९ जनाले रक्तदान गरेका छन् ।
६ जना महिला र ३ जना पुरुष गरी ९ जनाले रक्तदान गरेको रक्तसञ्चार केन्द्र हेटौंडाका प्रमुख टंक दाहालले जानकारी दिनुभयो । शनिबार दिनभरजसो पानी परेकाले औपचारिक कार्यक्रम नगरिएको आयोजकले जानकारी दिएको छ । दिनभर पानी परेका कारण रक्तदाताको संख्या पनि न्यून भएको केन्द्र प्रमुख दाहालले जानकारी दिनुभयो ।
