हेटौंडाः चितवनबाट गाँजा बोकेर ल्याएको बोलोरो पिक अप भ्यान हेटौंडामा समातिएको छ । विभिन्न प्रहरी चेक पोष्टमा सुरक्षित पास हुँदै आएको बोलेरो पिक अप गाडिबाट हेटौंडाको रातोमाटे चेकपोष्टमा ५७ किलो ९ सय ग्राम गाँजासहित २ जनालाई प्रहरीले प्रक्राउ गरेको हो ।
प्रहरीले लागूऔषध गाँजासहित गाडी चालक चितवनको राप्ती नगरपालिका–६ बस्ने २६ वर्षको को संजय चौधरी र सोही गाडीमा सवार ४८ वर्षको लालजी साहलाई पक्राउ गरेको हो ।
बुधबार प्रहरी चौकी रातोमाटेबाट प्रहरी सहायक निरीक्षकको कमाण्डमा खटिएको चेकिङ टोलीले हेटौडा–१५ पिपल चौतरा पुर्व पश्चिम सडक खण्ड स्थित बाराजाँदै गरेको ना. ४ च ५०१५ नम्बरको बोलेरो पिकअप गाडीलाई रोकी चेकजाँच गर्दा लुकाई छिपाई ल्याएको ५७ किलो ९ सय ग्राम लागुऔषध गाँजा फेला पारेको थियो । उनीहरु माथि थप अनुसन्धान सुरु भएको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो ।
