हेटौंडाः बागमती प्रदेश प्रहरी कार्यालयका प्रमुख प्रहरी नायव महानिरीक्षक (डिआईजी) प्रकाशजंग कार्कीले सोमबार पदभार ग्रहण गर्नुभएको छ ।
डिआईजी कार्कीलाई गृह मन्त्रालयको मन्त्रीस्तरीय निर्णयबाट असार ७ गते बागमती प्रदेश प्रहरी प्रमुखको रुपमा सरुवा गरिएको थियो । सोमबार प्रदेश प्रहरी कार्यालयका प्रहरी अधिकारीले डिआईजी कार्कीको स्वागत गरेका थिए । यसअघिका प्रदेश प्रमुख डिआईजी बसन्त कुमार लामा भने प्रहरी प्रधान कार्यालयमा प्रहरी महानिरीक्षकको सचिवालयमा सरुवा भएको छ ।
