हेटौंडाः प्रहरीले राति काठ तस्कर गर्दै गरेको मिनिटाटा गाडिसहित २ जनालाई पक्राउ गरेको छ । आज राति १२ बजेर १० मिनेटमा हेटौंडा–११ तिनताप्के सडक खण्डमा बसामाडीबाट पदमपोखरी तर्फ जाँदै गरेको प्रदेश ३–०३–००१ख ०१३२ नम्बरको मिनिटाटा गाडीलाई रोकि चेकजाँच गर्दा गाडीमा लुकाई छिपाई ल्याएको अबैध सालको २७ वटा फेन्टा अर्थात ५४ क्युफिट काठ फेला परेको थियो ।
प्रहरीले गाडी चालक हेटौंडा–११ स्मारकका २३ वर्षीय सुखराम रुम्बा र सो काठ ओसार–पसारमा संलग्न सोही गाडिको पछाडि ना ५२ प ८८०९ नम्बरको मोटरसाइकलमा आएका हटौंडा–१३ को २४ वर्षीय दिपेश लामालाई पक्राउ गरेको हो । पक्राउ परेका दुई जना र बरामद भएको काठलाई आवश्योक कारवाहीको लागी डिभिजन वन कार्यालय राप्ती मनहरी पठाइएको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो ।
