हेटौंडाः नेकपा एमाले निकट अखिल नेपाल महिला संघ (अनेमसंघ) मकवानपुरले हेटौंडा अस्पताललाई ५० थान अक्सिजन सिलिण्डर सहयोग गरेको छ ।
बागमती प्रदेश सभा सदस्य जुनेली श्रेष्ठले हेटौंडा अस्पताल सञ्चालन तथा ब्यवस्थापन समितिका अध्यक्ष राजेश प्रसाईलाई अक्सिजन हस्तान्तरण गर्नुभएको हो । अस्पतालमा उपचारत कोभिड–१९ संक्रमितको उपचारमा अक्सिजनको कमी नहोस् भन्ने उद्देश्यले अक्सिजन सिलिण्डर सहयोग गरिएको अनेमसंघ मकवानपुरकी अध्यक्ष सुमित्रा काफ्लेले जानकारी दिनुभयो ।
अक्सिजन सिलिन्डर हस्तान्तरण कार्यक्रममा नेकपा एमाले मकवानपुरका अध्यक्ष एकलाल श्रेष्ठ, अनेमसंघ संघ हेटौंडा नगर अध्यक्ष रञ्जिता सिलवाल, भुमि सम्बन्धी समस्या समाधान आयोगकी सदस्य प्रतिमा श्रेष्ठ, लगाएतको उपस्थित थियो ।
