हेटौंडाः हेटौंडा उपमहानगरपालिकाले सञ्चालन गरेको हेटौंडा–१० स्थित गोरक्षेश्वर स्वाब नमूना संकलन केन्द्रमा संकलित १८३ जनाको स्वाब नमूना परीक्षण गर्दा ९० जनामा संक्रमण पुष्टि भएको छ ।
शनिबार सार्वजनिक गरिएको विवरणअनुसार हेटौंडा उपमहानगरपालिकाका ६५ जना, थाहा नगरपालिकाका १८ जना, मकवानपुरगढीका ३ जना, मनहरी गाउँपालिकाका २ जना, भीमफेदी गाउँपालिकाका १ जना र बारा जिल्लाका १ जनामा कोरोना भाइरस संक्रमण पुष्टि भएको हो ।
बुधबार, बिहीबार र शुक्रबार तीन दिन संकलित १८३ नमूनाको परीक्षणको रिपोर्ट शनिबार सार्वजनिक गरिएको हो । शनिबार गोरक्षेश्वर स्वाब नमूना संकलन केन्द्रमा १३२ जनाको स्वाब नमूना संकलन गरिएको छ ।
