हेटौंडाः बागमती प्रदेशको यातायात व्यवस्था सेवा कार्यालय हेटौंडामा डाक्टरको जाँच बिनै निरोगिताको प्रमाण पत्र दिने गरेको पाइएको छ । मंगलबार मोटरसाइकलको नयाँ लाइसेन्सको लागि बायोमेट्रिक गर्न पुगेकाहरुले चिकित्सको उपस्थिति बिनै निरोगिताको प्रमाण पत्र प्राप्त गरेका छन् ।
डा तनिशा को नाममा अनलाइनबाटै निरोगिताको प्रमाणपत्र सिफारिस हुने गरेको पाइएको हो । मंगलबार निरोगिताको प्रमाणपत्रको लागि २ सयको रसिद काटेर तुरुन्तै सिफारिस गरिएपनि निरोगिताको प्रमाणपत्र पत्र नदिएको तथा डाक्टर बिनै प्रमाणपत्रको सिफारिस अनलाइनमा भएको भन्दै पत्रकार सुसन लामिछानेले विद्या पोलिक्लिकको ध्यानाकर्षण गराएका छन् ।
चिकित्सकको अनुपस्थितिमा कार्यरत कर्मचारीले नै निरोगिताको प्रमाणपत्र अनलाइनबाटै सिफारिश गर्दै आएको कर्मचारी महन्ता भण्डारीले जानकारी दिनुभयो । यसबारे संचालकको ध्यानकर्षण गराइएको छ । निरोगिताको प्रमाणपत्र दिन डाक्टरले स्वयं सामान्य जाँच गर्नुपर्ने अवस्थामा डाक्टरको उपस्थिति बिनै प्रमाणपत्र सिफारिस भएको पाइएको हो ।
