हेटौंडाः शिक्षक हीत बचत तथा ऋण सहकारी संस्था लिमिटेडको ११ औ वार्षिक साधारणसभा शनिबार सम्पन्न भएको छ । नेपाल राष्ट्रिय शिक्षक संगठन राष्ट्रिय समिति सदस्य पद्मा पौडेलको प्रमूख आतिथ्यमा भएको भेलामा सहकारीका अध्यक्ष सिताराम दाहालको अध्यक्षता रहेको थियो ।
साधारणसभामा कोषाध्यक्ष रामजी प्रसाद हुमागाईले आर्थिक प्रतिवेदन प्रस्तुत गर्नुभएको छ । छ सय ३६ जना सेयर सदस्य रहेको सहकारीले सेयर पुँजी २८ लाख ३३ हजार रुपैयाँ पुगेको कोषाध्यक्ष हुमागाईले जानकारी दिनुभएको छ । सहकारीले बचत संकलन एक करोड १६ लाख ३८ हजार रुपैयाँ, ऋण लगानी एक रोड छ लाख ९८ हजार रुपैयाँ पुगेको छ । साधारणसभामा उत्कृष्ट बचतकर्ताका रुपमा केशवराज सुवेदी तथा असल कारोबार गर्ने नानीमाया थोकर पुरस्कृत हुनुभएको छ । सहकारीले ज्येष्ठ नागरिक ईश्वरी कुमारी अर्याल र बलराम न्यौपाने सम्मान गरेको छ । कोभिड १९ का कारण पुस १० गतेबाट शुरु भएको साधारणसभा शनिबार समापन भएकोे हो ।
साधारणसभामा प्रमुख अतिथि पद्मा पौडेलले सहकारी शिक्षकको हीतमा लाग्नुपर्नेमा जोड दिनुभयो । नेपाल राष्ट्रिय शिक्षक संगठन मकवानपुरका अध्यक्ष श्रीराम दाहालले अहिले देश राजनीतिक संकटमा भएपनि शिक्षकहरु भ्रममा नपरी अगाडि बढ्न आग्रह गर्नुभयो । भेलामा संगठन उपाध्यक्ष लक्ष्मी गजुरेल, बागमती प्रदेश सचिवालय सदस्य मोहनप्रसाद शर्मालगायतले शुभकामना मन्तव्य राख्नुभएको थियो ।
