हेटौंडाः बागमती प्रदेशको उद्योग, पर्यटन वन तथा वातावरण मन्त्रालयमा चालु आर्थिक वर्षको पहिलो चौमासिकसम्म ४ हजार २ सय ४८ वटा उद्योग दर्ता भएको छ । चालु आर्थिक वर्षको साउनदेखि कात्तिकसम्म मन्त्रालयमा १ हजार ५ सय ६८ वाणिज्य र २ सय ६३ वटा पर्यटन व्यवसाय दर्ता भएको उद्योग, पर्यटन, वन तथा वातावरण मन्त्री अरुण नेपालले बताउनुभयो ।
मन्त्रालयले चालु आर्थिक वर्षको पहिलो चार महिनामा दर्ता भएका उद्योगबाट १८ हजार एक सय २० जनालाई रोजगारीको सिर्जना हुने जानकारी दिएको छ । दर्ता भएका उद्योग, वाणिज्य तथा पर्यटन व्यवसायबाट प्रत्यक्षरुपमा ठूलो संख्यामा रोजगारी सिर्जना भएको मन्त्री नेपालले बताउनुभयो ।
पहिलो चौमासिक अवधिमा प्रदेशको उद्योग, पर्यटन, वन तथा वातावरण मन्त्रालयले ११ करोड २ लाख प्रदेश सरकारको सञ्चित कोषमा राजश्व दाखिला गरेको छ ।
यस्तै कोभिड(१९ को समयमा प्रदेश सरकारले २४ लाख ७७ हजार रुपैयाू उद्योग,पर्यटन व्यवसायलाई छुट दिएको उहाूले जानकारी दिनुभयो । मन्त्रालयले चालु आर्थिक वर्षको पहिलो चौमासिकमा एक सय ३९ पटक गरेर ९ सय ४७ व्यापारिक फर्मको अनुगमन गरेको जनाएको छ । यस्तै १ सय ६३ उद्योगमा अनुगमन गरेर ९ लाख असुल भएको तथा ५९ फर्मलाई कारबाही तथा ५ लाखको सामग्रीको म्याद गुज्रेको सामान जफत भएको मन्त्रालयका सूचना अधिकारी नवराज पुडासैनीले जानकारी दिनुभयो ।
मन्त्रालयले बहुवर्षीय योजनाको रुपमा ६ वटा हिलस्टेशन र ७ वटा नमूना पर्यटन गन्तव्यको पूर्वाधार निर्माण अन्तिम चरणमा रहेको जनाएको छ । चालु आर्थिक वर्षमा सो पूर्वाधारको काम सकिएर उद्घाटन हुने बताइएको छ । मन्त्रायले वनतर्फ पहिलो चौमासिक अवधिमा ५७ वटा वन मुद्दा दायर भई ८३ जना आरोपी पक्राउ परेको जनाएको छ । यस्तै ८६ वटा टूक, जिप तथा एक्साभेटरलाई नियन्त्रणमा लिएर जरिवाना गरेको छ । मन्त्रालयले चालु आर्थिक वर्षको साउनदेखि कात्तिकसम्म ९ लाख घनफिट काठ सुरक्षित मौज्दात राखेर एक लाख ४ हजार घनफिट बजारमा बिक्रीसमेत गरको छ ।
यस्तै, चालु आर्थिक वर्षमा प्रदेशको उद्योग, पर्यटन, वन तथा वातारवरण मन्त्रालयले २ जना युवाहरुलाई ३ देखि ६ महिनाको तालिम दिनको लागि छनौट गरेको छ भने प्रदेशका एक हजार एक सय ३२ उद्यमीलाई प्रविधि हस्तान्तरण गरेको छ । यस्तै प्रदेशमा तीनवटा उद्योगग्रामको बोलपत्र आह्वान गरिएका छ भने १० वटा उद्योगग्रामको वातावरणीय प्रतिवेदन पनि तयार पारेको छ । पर्यटनको क्षेत्रम ६१ वटा नयाू पर्यटन पूर्वाधार निर्माण सुरु गरिएको मन्त्रालयले जनाएको छ ।
