हेटौंडाः हेटौंडा–४, कमलडाँडा बुद्धपथका युवाहरुले देउसीभैलो खेली उठेको रकमबाट हेटौंडा–१५ मा रहेको दिव्यसेवा निकेतनलाई खाद्यान्न सहयोग गरेका छन् । हेटौंडा–४, कमलडाँडा बुद्धपथका युवाहरुले टोलमा देउसीभैलो खेलेर संकलन गरिएको रकम मध्येबाट १० हजार रुपैयाँ बराबरको खाद्यान्न बृद्धाआश्रमलाई शुक्रबार हस्तान्तरण गरेका हुन् ।
बृद्धाश्रममा चामल, दाल, नुन, तेल, चिनी, आलुलगायतका खाद्य सामग्री निकेतनका अध्यक्ष टिआर निरौलालाई हस्तान्तरण गरिएको होे । हस्तान्तरणका लागि कमलडाँडा टोलका समाजसेवीहरु अशोक लामा, प्रदिप भण्डारी, राजु थापा, कर्म लामा, अरुण शिवाकोटी, गणेश शिवाकोटीलगायतको उपस्थिति रहेको थियोे ।
