हेटौंडाः मकवानपुर जिल्लामा आज साँझ थप ३८ जनामा कोरोना भाइरस सङ्क्रमण पुष्टि भएसँगै आज एकैदिन कोरोना भाइरस सङ्क्रमित हुनेको सङ्ख्या १०९ पुगेको छ । यसअघि आज बिहान एकजना तेस्रो लिङ्गीसहित ७१ जना सङ्क्रमित थपिएका थिए ।
हेटौंडा उपमहानगरपालिकाको आयुर्वेद तथा जनस्वास्थ्य प्रवद्र्धन शाखाकाअनुसार आज एकजना तेस्रो लिंगीसहित ४१ महिला र ६७ जना पुरुषमा कोरोना भाइरस सङ्क्रमण पुष्टि भएको छ । हेटौंडा उपमहानगरपालिकाका १०१ जना, मकवानपुरगढी गाउँपालिकाका ५ जना, गोरखा, डडेल्धुरा र बारा जिल्लाका १/१ जनामा कोरोना भाइरस सङ्क्रमण पुष्टि भएको छ ।
