हेटौंडाः हेटौंडा–१४ मा जारी नौ ए साइड फुटबलमा आज बुधबार समृद्धि “ए” र समृद्धि “बि” टिम विजयी भएको छ । बुधबार भएको पहिलो खेलमा समृद्धि टोल विकास संस्था “ए” ले लक्ष्मी टोल विकास संस्थालाइ ३–० गोल अन्तरले पराजित गरेको थियो । समृद्धि “ए” को जितमा खेलाडी राजु थापाले खेलको पहिलो हाफको ३ मिनेटमा, किरण स्याङ्तानले पहिलो हाफको ८ मिनेटमा र बिजय स्याङ्तानले दोश्रो हाफको २९ औ मिनेटमा गोल गरेका थिए ।
त्यस्तै बुधबार भएको अर्को खेलमा समृद्धि टोल विकास संस्था “बि” ले पञ्चबुद्ध टोल विकास संस्थाको “ए” टिमलाइ २–० गोल अन्तरले पराजित गर्यो । समृद्धि “बि” लाई विजयी बनाउन आशिष मगरले खेलको पहिलो हाफको ७ औ र १५ मिनेटमा गरेको गोल नै निर्णयक बन्यो ।
प्रतियोगिता अन्तर्गत भोलि बिहिबार चार खेल हुँदैछन । भोलि बिहान हुने पहिलो खेलमा ७ बजे समृद्धि “ए” र गौरी टोल विकास संस्थाबिच खेल हुनेछ भने दोश्रो खेल आयोजक टोल पञ्चबुद्ध “ए” र पञ्चबुद्ध “बि” बिच बिहान ८ बजे हुनेछ । त्यस्तै भोलि दिउँसो एक बजे हुने खेलमा चुरियामाइ टोल विकास संस्था र लक्ष्मी टोल विकास संस्था बिच प्रतिस्पर्धा हुनेछ । दिउँसो दुई बजे हुने अर्को खेलमा कालीदेबि टोल विकास संस्था र समृद्धि “बि” बिच खेल हुने आयोजक ले जनाएको छ । प्रतियोगिताको फाइनल खेल कार्तिक एक गते हुनेछ ।
