हेटौंडाः उच्च अदालत बार एशोसिएसन हेटौंडाको अध्यक्षमा अधिवक्ता सुशील कुमार पोखरेल निवार्चित हुनुभएको छ । प्रगतिशील कानुन व्यवसायीबाट एक मात्र उम्मेदवार बन्नुभएका पोखरेल निर्विरोध निर्वाचित हुनुभएको हो । भोली शनिबारको लागि निर्वाचन मिति घोषणा भएपनि प्रजातान्त्रिक कानुन व्यवसायीको तर्फबाट कुनै पनि उम्मेदवारी नपरेका कारण निर्विरोध रुपमा कार्यसमिति चयन भएको निर्वाचन अधिकृत दिनेश कुमार रेग्मीले बताउनुभयो ।
अधिवक्ता सुशील कुमार पोखरेलको अध्यक्षतामा बनेको नयाँ समितिको उपाध्यक्षमा रामकृष्ण देउला, सचिवमा अरुणकुमार खतिवडा, सह–सचिवमा मुना मानान्धर, कोषाअध्यक्षमा प्रमिला केसी निर्वाचित हुनुभएको छ । यस्तै केन्द्रिय पार्षदमा हरिप्रसाद भट्ट, मीनबहादुर श्रेष्ठ चयन हुनुभएको छ ।
यसैगरी महिला सदस्यमा ज्योति घिमिरे, सदस्यमा श्रीराम दाहाल, सुजन तिमल्सिना, कृष्णप्रसाद खतिवडा, निरज मैनाली, ज्ञानेश्वर फुयाल्, एकनारायण शर्मा, सञ्जीव पराजुली निर्वाचिन हुनुभएको हो । उच्च अदालत बार एशोसिएसन हेटौंडाको निर्वाचनमा प्रजातान्त्रिक कानुन व्यवसायीले नेपाल बार एशोसिएसनको विधान अनुसार सदस्यता प्रदान नभएको भन्दै निर्वाचनमा भाग नलिएको जनाएको छ ।
