हेटौंडाः हेटौंडा–१४ मा मदन भण्डारी स्पोर्टस् एकेडेमीको वडा कमिटी गठन भएको छ । आज भएको भेलाले सुरेश रुम्बको अध्यक्षतामा १४ नम्बर मदन भण्डारी स्पोर्टस् एकेडेमी गठन भएको हो । सचिवमा सिद्धान्त सापकोटा, कोषाध्यक्षमा निशा गुरुङसहित २१ सदस्यीय कमिटी निर्माण भएको मदन भण्डारी स्पोर्टस् एकेडेमी हेटौंडा उपमहानगर कमिटीका अध्यक्ष सबिन लामाले बताउनुभयो ।
उपाध्यक्ष र सह सचिव भने अब हुने बैठकबाट चयन हुने उहाँले बताउनुभयो । मदन भण्डारी स्पोर्टस् एकेडेमी हेटोंडा उपमहानगर कमिटीको आयोजनामा भएको कार्यक्रममा मदन भण्डारी फाउन्डेशन मकवानपुरका अध्यक्ष रघुनाथ खुलालको प्रमुख आतिथ्य रहेको थियो । यस्तै कार्यक्रमममा हेटौंडा–१४ का वडाअध्यक्ष दिपक खड्का, ४ नम्बर वडा अध्यक्ष नविन सिग्देल, जिल्ला खेलकुद विकास समिति मकवानपुरका अध्यक्ष सानु लामा लगायतको उपस्थिति रहेको थियो ।
यसअघि मदन भण्डारी स्पोर्टस् एकेडेमीले हेटौंडा–५, ६ र १० नम्बर वडामा कमिटी गठन गरिसकेको छ । हेटौंडा उपमहानगरपालिकाको १९ वटै वडामा वडा कमिटी निर्माण गर्ने अभियान अन्तर्गत हरेक वडामा कमिटी निर्माण भइरहेको नगर अध्यक्ष लामाले जानकारी दिनुभयो ।
