हेटौंडाः सामुदायिक सेवा केन्द्र मकवानपुरले हेटौंडा १० बसपार्कमा २ कोठे सामाजिक सेवा केन्द्र भवन निमार्ण गरेर आज जिल्ला प्रहरी कार्यालय मकवानपुरलाई हस्तान्तरण गरेको छ । आज एक कार्यक्रम गरेर शौचालय सहितको २ कोठे भवन सामुदायिक सेवा केन्द्र मकवानपुरका अध्यक्ष प्रदिप कंडेलले जिल्ला प्रहरी कार्यालय मकवानपुरका प्रहरी उपरीक्षक शुसिल सिं राठौरलाई हस्तान्तरण गर्नुभएको हो ।
कार्यक्रममा हेटौंडा–१० का वडा अध्यक्ष किताव सिं लामा, हेटौंडा–१ का वडा अध्यक्ष सविन न्यौपाने, सामुदायिक प्रहरी सेवा केन्द्र थानाभ¥याङका अध्यक्ष शालिकराम पूडासैनी, पशुपतिनगरका अध्यक्ष राम विष्ट, प्रहरी नायब उपरिक्षक इन्द्र बहादुर राना, वडा प्रहरी कार्यलयका प्रहरी प्रमुख इश्वरी प्रसाद भण्डारी लगायतको उपस्थिति रहेको थियो ।
