हेटौँडा : हेटौँडा–४ स्थित हेटौँडा क्याम्पसमा स्वतन्त्र विद्यार्थी युनियन (स्ववियु) को प्रथम बैठक सम्पन्न भएको छ । शुक्रबार क्याम्पसको सभाहलमा स्ववियु अध्यक्ष अभि मैनालीकोे सभाध्यक्षमा बसेको बैठकले पदाधिकारीहरुलाई जिम्मेवारी बाँडफाँट भएको छ । समानुपातिकबाट निर्वाचित सदस्य भरतमोहन देवकोटालाई उपाध्यक्ष र सन्देश पटेल कुर्मीलाई सहसचिवको जिम्मेवर तोकिएको हो ।
साथै, सभामा क्याम्पसमा आइपरेका समसामयिक विभिन्न विषयमा छलफल भएको सहसचिव सन्देश पटेल कुर्मीले जानकारी दिनुभयो । क्याम्पसमा नियमित शिक्षक उपस्थित गराउन आग्रह गर्ने, अतिरिक्त क्रियाकलापमा विद्यार्थीलाई प्रेरित गर्ने र अनावश्यक राजनीतिक गतिविधीमा रोक लागाउने आदि विषयमा छलफल भएको सहसचिव पटेलले जानकारी दिनुभयो । स्ववियुले निकट भविष्यमा नै युथ इन्टर्नसीप टक्स कार्यक्रम गर्ने निर्णय भएको छ ।
