हेटौँडाः सिन्धुली जिल्लाको दुधौली नगरपालिका–१, कुर्थौलीमा मोटरसाइकलले ठक्कर दिँदा एक बालकको मृत्यु भएको छ । मृत्यु हुनेमा ७ वर्षीय आयुष माझी रहेको बागमती प्रदेश प्रहरी कार्यालय हेटौँडाले जानकारी दिएको छ ।
शुक्रबार बेलुका ७ बजेको समयमा मदनभण्डारी राजमार्गमा भिमानबाट दुधौली तर्फ आउँदै गरेको हाल नम्बर नखुलेको मोटरसाइकलले माझीलाई ठक्कर दिएको थियो । मोटरसाइकलको ठक्करबाट माझी मध्यम घाईते भई उपचारका लागि केएमस अस्पताल सिनामङगल लगिएकोमा उपचारको क्रममा शनिबार बिहान ३ बजेको समयमा डाक्टरले मृत घोषणा गरेको प्रहरीले जानकारी दिएको छ । मोटरसाइकल र चालकको खोजी भई रहेको प्रहरीले जनाएको छ ।
