हेटौंँडाः प्रदेश युवा परिषद्, बागमती प्रदेशको आयोजना तथा साहित्य संगम मकवानपुरको व्यवस्थापनमा खुला कविता प्रतियोगिता हुने भएको छ । साहित्य संगम मकवानपुरले आइतबार सूचना जारी गर्दै जुनसुकै विषयमा मौलिक कविता रचना गरी मंसिर ८ गते बेलुका ४ बजेसम्म इमेलमार्फत पठाउन सकिने साहित्य संगम मकवानपुरका अध्यक्ष डीबी बर्तौलाले जानकारी दिनुभयो ।
प्राप्त हुने कवितामध्ये उत्कृष्ट २० जना प्रतियोगीको कविता छनौट गरिनेछ । ती प्रतियोगीहरुलाई कविता वाचनका लागि आउँदो मंसिर २९ गते सहभागी गराइने बताउनुभयो । प्रतियोगितामा प्रथम, द्वितीय, तृतीय र सान्त्वना हुनेलाई क्रमशः ४० हजार रुपैयाँ, ३० हजार रुपैयाँ, २० हजार रुपैयाँ र १० हजार रुपैयाँ पुरस्कार पाउने छन् । कविता पठाउँदा उमेर खुल्ने आधिकारिक प्रमाणपत्र, र वैयक्तिक विवरण पठाउनुपर्ने, कविता बढीमा एक सय ५० शब्दसम्मको मात्र हुनुपर्नेछ । गत बर्ष पनि खुला कविता प्रतियोगिता आयोजना गरिएको थियो ।
