हेटौंडाः हेटौंडामा जारी जिल्लास्तरीय मेयरकप स्नुकर प्रतियोगिताको क्वार्टरफाइनल समीकरण पूरा भएको छ । आइतबार पहिलो चरणको खेलहरू सम्पन्न भएसँगै प्रतियोगिताको क्वार्टरफाइनल समीकरण पूरा भएको हो ।
हेटौंडा–४ स्थित बुद्ध स्नुकर हाउस र हेटौंडा–१० स्थित एस–वान स्नुकर क्लबमा प्रतियोगिता सञ्चालन भएको थियो । ४४ वटा खेलाडीहरूको सहभागिता रहेको प्रतियोगितामा २८ जना बाहिरिइसकेको छन् । प्रतियोगिता अन्तर्गत आज सोमबार क्वार्टरफाइनल र सेमिफाइनल चरणको खेलहरू सञ्चालन हुनेछ । फाइनल खेल कार्तिक १३ गते हुनेछ ।
प्रतियोगितामा प्रथम, द्वितीय, तृतीय र सान्त्वना हुनेहरुलाई क्रमशः ६० हजार रुपैयाँ, ३० हजार रुपैयाँ, ६/६ हजार रुपैयाँसहित मेडल र प्रमाणपत्र प्रदान गरिनेछ । हाइ स्कोर ब्रेकर र राइजिङ प्लेयरलाई ५/५ हजार रुपैयाँ नगद प्रदान गरिनेछ । प्रतियोगिताको पुरस्कार वितरण समारोह बुद्ध स्नुकर हाउसमा हुनेछ ।
