हेटौँडाः बागमती प्रदेशको राजधानी हेटौँडामा सिस्नुपानी नेपालका अध्यक्ष लक्ष्मण गाम्नागेले कविता वाचन गर्नुहुने भएको छ । सिस्नुपानी नेपाल मकवानपुरको आयोजनामा भोलि असोज ३ गते बिहिबार हुने कार्यक्रममा गाम्नागेले कविता वाचन गर्नुहुनेछ ।
सिस्नुपानी नेपाल मकवानपुरको अधिवेशन समेत रहेकोले नयाँ कार्यसमिति गठन हुने संस्थाका अध्यक्ष राजकुमार लामिछानेले जानकारी दिनुभएको छ । मकवानपुरमा हास्यव्यङ्ग्य रचना लेखन, वाचन, क्यारिकेचर, प्यारोडी गायन, कार्टुन प्रदर्शनीका विविध कार्यक्रममा सक्रिय सिस्नुपानी मकवानपुरले हालसालै प्यारोडी गायन, स्ट्याण्डअप कमेडी, क्यारिकेचर, नाय प्रस्तुतिलगायतका गतिविधि समावेश गरी हास्यव्यङ्ग्य गाईजात्रा कार्यक्रम आयोजना गरेको थियो । हेटौँडा–४, कमलडाँडास्थित हेटौँडा पार्टी प्यालेसमा बिहान ११ः०० बजेदेखि गाम्नागेको कविता वाचन कार्यक्रम सुरु हुने आयोजनाले जनाएको छ ।
