हेटौँडाः चितवन जिल्लाको खैरहनी नगरपालिका–१, आस्था फाउण्डेशन नजिकै अचेत अवस्थामा फेला परेका पुरुषको मृत्यु भएको छ । मृत्यु हुनेमा रौतहट जिल्ला घर भई हाल खैरहनी डेरा गरी बस्ने ४० वर्षीय प्रमोद साह रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार दिउँसो २ बजेर ३० मिनेटको समयमा साह सम्बृद्धिटोलमा अचेत अवस्थामा सडकको छेउमा लडिरहेको अवस्थामा फेला परेका थिए । साहलाई उपचारका लागि सरकारी अस्पताल भरतपुर लगिएकोमा उपचारको क्रममा बिहीबार दिउँसो ३ बजेर ४० मिनेटको समयमा मृत्यु भएको प्रहरीले जानकारी दिएको छ ।
