हेटौंडाः मकवानपुरको भीमफेदी गाउँपालिकामा रक्तदान कार्यक्रम आयोजना भएको छ । शनिबार वडा नम्बर ४ स्थित निबुवाटारमा निब्टा क्लबको आयोजनामा रक्तदान कार्यक्रम भएको हो ।
रक्तसञ्चार केन्द्र हेटौंडाको प्राविधिक किशोर सापकोटाका अनुसार कार्यक्रममा २६ जनाले रक्तदान गरेका छन् । भीमफेदी–४ का वडाध्यक्ष सागर पाण्डेसहित २२ पुरुष र चार जना महिलाले रक्तदान गरेका हुन् ।
उहाँका अनुसार मकवानपुरमा आइतबार पनि रक्तदान कार्यक्रम आयोजना हुँदैछ । नेपाल कम्युनिष्ट पार्टीका संस्थापक पुष्पलाल श्रेष्ठको ७६ औं स्मृति दिवसमा नेकपा एमाले मकवानपुरको कार्यालय परिसरमा रक्तदान कार्यक्रम आयोजना हुन लागेको हो ।
