हेटौंडाः हेटौंडा उपमहानगरपालिका-१०, स्थित तुलसी मेहर बोर्डिङ तथा नारायणी कलेजमा आगलागी भएको छ । मंगलबार साँझ ५ बजेर २५ मिनेटको समयमा कलेजमा आगलागी भएको विद्यालयका शिक्षक राजकुमार थोकरले जानकारी दिनुभयो ।
विद्युतको लाइन सर्ट भएर कलेजको माथिल्लो तल्लामा आगलागी भएको थोकरले जानकारी दिनुभयो । आगलागीबाट एक कोठा बराबरको जस्तापाताको क्षति भएको छ । आगलागीबाट मानवीय क्षति भएको छैन । हेटौैंडा उपमहानगरपालिकाको वारुण यन्त्रको सहायतामा आगो पुणर्रुपमा नियन्त्रणमा आइसकेको छ ।
