हेटौँडाः हेटौँडा–६, चौघडा बजारमा बेहोस अवस्थामा फेला परेका वृद्धको मृत्यु भएको छ । मृत्यु हुनेमा हेटौँडा–५ घर भई हाल हेटौँडा–१८, हर्नामाडी बस्दै आएका ८७ वर्षीय खड्क बुढाथोकी रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार बिहान ११ बजेको समयमा वृद्ध प्रतिक्षालयमा बेहोस अवस्थामा फेला परेका थिए । वृद्धलाई उपचारका लागि हेटौँडा अस्पताल ल्याइएकोमा उपचारको क्रममा सोमबार बिहान ११ बजेर २७ मिनेटको समयमा डाक्टरले मृत घोषणा गरेको प्रहरीले जानकारी दिएको छ ।
