हेटौंडाः हेटौंडा ७ र ८ मा रहेको किरणचोक टोल विकास संस्था, किरणचोक आमा समूह र शिवशक्ति एकादशी समूहको संयुक्त आयोजनामा श्रीमद्भागवत सप्ताह ज्ञान महायज्ञ सुरु भएको छ । शुक्रबार हेटौंडा उपमहानगरपालिकाकी प्रमुख मीनाकुमारी लामाको प्रमुख आतिथ्यमा शोभा कलशयात्रासँगै सप्ताहको उद्घाटन भएको किरणचोक आमा समूहका अध्यक्ष साबित्री अधिकारीले जानकारी दिनुभयो ।
पहिलो दिन शुक्रबार राजपानी धारामा पुगेर कलशमा जल अर्पण गरी मिलनचोक हुँदै सप्ताह स्थलसम्म कलशयात्रा भएको अधिकारीले बताउनुभयो । आज शनिबारबाट दैनिक यज्ञ पूजा, कथा वाचन, दानवीरहरुलाई सम्मानपत्र वितरण गरिने उहाँले जानकारी दिनुभयो ।
शोभा कलशयात्रामा किरणचोक टोल विकास संस्थाका अध्यक्ष राजु अधिकारी, शिवशक्ति एकादशी समूहका अध्यक्ष बद्रीप्रसाद अर्याल, हेटौंडा उपमहानगरपालिका–७ का वडा अध्यक्ष दामोदर गौतम, हेटौंडा उपमहानगरपालिका–८ का वडा अध्यक्ष राम थापालगायतको उपस्थिति थियो ।
