हेटौंडाः मकवानपुर जिल्ला तेक्वान्दो कार्यसमितिद्वारा जनज्योति डोजाङलाई तेक्वान्दो खेलका सामग्री हस्तान्तरण गरेको छ । सोमबार हेटौंडा–१४, मयुरधापस्थित जनज्योति माध्यमिक विद्यालयमा मकवानपुर जिल्ला तेक्वान्दो कार्यसमितले जनज्योति डोजाङलाई तेक्वान्दो खेल सामग्री हस्तान्तरण गरेको हो ।
कार्यक्रममा जनज्योति डोजाङका प्रमुख बिमल विकको सभाध्यक्षता तथा हेटौंडा १४ नम्बर वडा अध्यक्ष दीपक खड्काको प्रमुख आतिथ्यमा खेल सामग्री हस्तान्तरण कार्यक्रम भएको हो । हेड गार्ड, चेस्ट कभर, खेलकुद म्याट वितरण गरिएको मकवानपुर जिल्ला तेक्वान्दो कार्यसमितिका अध्यक्ष लालकाजी रत्न बज्राचार्यले जानकारी दिनुभएको छ । कार्यक्रममा जनज्योति माध्यमिक विद्यालयका शिक्षक, विद्यार्थी, अभिभावकको पनि उपस्थिती रहेको थियो ।
