हेटौंडाः हेटौंडा–भीमफेदी–काठमाडौं छोटो मार्गअन्तर्गत मकवानपुरको भीमफेदी गाउँपालिका–६, जुरिखेतमा यात्रुबाहक बस दुर्घटना भएको छ । काठमाडौंबाट हेटौंडातर्फ आउँदै गरेको ना ३ ख ७८५८ नम्बरको मिनीबस बिहीबार दिउँसो साढे २ बजेको समयमा दुर्घटना हुँदा घटनास्थलमै ६ जनाको मृत्यु भएको जिल्ला प्रहरी कार्यालय मकवानपुरका प्रमुख प्रहरी उपरीक्षक बामदेव गौतमले जानकारी दिनुभएको छ ।
मृतक सबै पुरुष भएको र ३० देखि ४० बर्ष उमेर समूहको रहेको प्रहरी उपरीक्षक गौतमले जानकारी दिनुभयो । घुमाउरो बाटोमा दुर्घटना भई बस ५० मिटर तल तल्लो सडकमा खसेको प्रहरीले जनाएको छ । घाइतेहरुको संख्या पनि यकिन भइनसकेको र घाइतेलाई उपचारका लागि हेटौंडा अस्पताल पठाइएको प्रहरीले जनाएको छ ।
