हेटौंडाः युवा रेडक्रस सर्कल हेटौंडा र लायन्स क्लब अफ हेटौंडा सुर्योदय प्लसको आयोजनामा शुक्रबार हेटौंडामा खुला हाजिरीजवाफ प्रतियोगिता हुँदैछ । प्रतियोगिता पशुपति मन्दिरको सभाहलमा हुनेछ ।
प्रतियोगितामा प्रथम हुनेलाई २५ हजार रुपैयाँको पुरस्कार राशी प्रदान गरिने युवा रेडक्रस सर्कल हेटौंडाले जनाएको छ । यसैगरी द्वितीय हुनेलाई १५ हजार रुपैयाँ र तृतीय हुनेलाई १० हजार रुपैयाँ पुरस्कार राशी प्रदान गरिनेछ ।
जिल्ला युवा समितिको कार्यालय मकवानपुरको समन्वयमा कार्यक्रम हुनेछ । “अन्तरपुस्ताको ऐक्यबद्वताः सबै उमेर समुहमैत्री विश्व निर्माणमा साझा प्रतिबद्वता” भन्ने नारासहित अन्र्तराष्ट्रिय युवा दिवसको अवसरमा प्रतियोगिता हुन लागेको हो ।
