हेटौंडाः मकवानपुरको मनहरी गाउँपालिका वडा नम्बर–२ मा रहेको सीता माध्यामिक विद्यालयका छात्रालाई छात्रवृत्ति वितरण गरिएको छ । विद्यालयमा अध्ययनरत कक्षा १ देखि ८ सम्मका २ सय २ जना छात्रालाई छात्रवृत्ति रकम वितरण गरिएको विद्यालयकी प्रधानाध्यापक पवित्रा ढुङ्गानाले बताउनुभयो ।
गाँउपालिकासँग समन्वयगरी छात्रवृत्ति रकम वितरण गरिएको हो । पारिवारीक आर्थिक अभावका कारण विद्यार्थीको पठनपाठनमा आएको समस्यामा सहयोग पुर्याउने उद्देश्यले छात्रवृत्ति रकम वितरण गरिएको प्रधानाध्यापक ढुंगानाले बताउनुभयो । विद्यालयमा विद्यार्थीको उपस्थितिलाई निरन्तरता दिन र गुणस्तरीय शिक्षा प्रदान गरी सुनौलो भविष्य निर्माणका लागि छात्रवृत्ति प्रदान गरिएको उहाँले बताउनुभयो । २ सय २ जना छात्रालाई ४ सय रुपैयाँका दरले छात्रवृत्ति रकम वितरण गरिएको छ । कक्षा १ देखि १० सम्म पठनपाठन हुने विद्यालयमा ५ सय १५ जना विद्यार्थी अध्ययनरत रहेका छन् ।
