हेटौंडाः नेपाल रेडक्रस सोसाइटी मकवानपुर शाखालाई एउटा एम्बुलेन्स प्राप्त भएको छ । करिब २० लाख रुपैयाँ पर्ने एम्बुलेन्स अमेरिकन रेडक्रस सोसाइटीले प्रदान गरेको नेपाल रेडक्रस सोसाइटी मकवानपुर शाखाका प्रमुख लक्ष्मण भट्टराईले जानकारी दिनुभयो ।
उक्त एम्बुलेन्स ‘ख’ वर्गको रहेको छ । एम्बुलेन्समा अक्सिजन, मुटुको धड्कन नाप्न मिल्ने उपकरणको सुविधा रहेको भट्टराईले बताउनु भएको छ । एम्बुलेन्स नेपाल रेडक्रस सोसाइटी मकवानपुर शाखाको मातहतमा आइतबारबाट सञ्चालनमा आएको छ । यो सँगै नेपाल रेडक्रस सोसाइटी मकवानपुर जिल्ला शाखामा दुईवटा एम्बुलेन्स हुनेभएको छ ।
