हेटौंडाः प्रदेश खेलकुद विकास परिसद्को आयोजनामा गणतन्त्र दिवसको अवसरमा आज शनिबार खुला दौड प्रतियोगिता भएको छ । प्रतियोगितामा पुरुष तर्फ सञ्जीव मिजार र महिला तर्फ भिष्मा बस्नेत प्रथम हुनु भएको छ ।
संजीवले प्रतियोगितामा ६ कि.मि. २३ दशमलब २६ मिनेटमा निर्धारित दुरि पार गरी प्रथम हुनु भएको हो । संजीव र भिष्माले नगद १५ हजार रुपैयाँसहित प्रमाणपत्र प्राप्त गरेका छन् । यस्तै प्रतियोगितामा नारायण जिसीले २३ दशमलब ३१ र गणेश बहादुर कुँवरले २३ दशमलब ४७ मिनेटमा निर्धारित दुरी पार गरी दोस्रो र तृतीय भएका थिए । यस्तै, महिला तर्फ भिष्मा बस्नेतले २७ दशमलब ३८ मिनेटमा निर्धारित दूरी पार गरी प्रथम हुनु भएको हो । प्रतियोगितामा बसन्ती गोले(२८.४२) र दूर्गा स्वती(३०.३५) द्वितीय र तृतीय भएका छन् । प्रतियोगितामा द्वितीय हुनेले नगद १० हजार र तृतिय हुनेले नगद ५ हजार रुपैयाँ प्राप्त गरेका छन् ।
दौड प्रतियोगिता बिहान ६ बजे बुद्ध चोकबाट सुरु भएको थियो । स्वास्थ्यका लागि खेलकुद र राष्ट्रको लागि खेलकुद नाराको साथ प्रतियोगिताको आयोजना भएको थियो ।
