हेटौंडाः नेपाल पत्रकार महांसघको ६७ औं स्थापना दिवस मनाएको छ । बुधबार नेपाल पत्रकार महासंघ मकवानपुरले प्रभातफेरी कार्यक्रमको अयोजना गरी महांसघको स्थापना दिवस मनाएको हो ।
हेटौंडाको सीमाचोकबाट सुरु भएको प्रभातफेरी बुद्धचोक, चेम्बरमार्गहुँदै पुनः बुद्धचोकमा आएर समापन भएको थियो । नेपाल पत्रकार महासंघ मकवानपुरका अध्यक्ष मणिराज गौतमको सभाध्यक्षमा कार्यक्रम भएको हो ।
सञ्चारकर्मीहरुले पत्रकारिताको आचारसंहितामा रहेर समाचार लेख्नुपर्ने उहाँले बताउनुभयो । संस्थाका संस्थापक अध्यक्ष कृष्णप्रसाद भट्टराईले गर्दा नै मकवापनुरका पत्रकारले कलम चलाउन पाएको र सत्य तथ्य समाचार संकलन गरी सम्प्रेषण गर्ने अधिकार प्राप्त भएको बताउनुभयो । सोही अवसरमा उहाँको योगदानलाई सम्झनुहुँदै श्रद्धासुमन व्यक्त गर्नुभयो ।
