हेटौंडाः फागुन ३० गतेदेखि बुधबारसम्म गाँजा खेती नष्ट गर्ने अभियान अन्तर्गत प्रहरीले ९० विगाह अफिम खेति फडानी गरी नष्ट गरेको छ । प्रहरी प्रधान कार्यालय लागुऔषध नियन्त्रण ब्युरो कोटेश्वर काठमाण्डौ, बागमती प्रदेश प्रहरी गण रातोमाटे र जिल्ला प्रहरी कार्यालय मकवानपुर, मातहत कार्यालयबाट संयुक्त रुपमा प्रहरी निरीक्षक सुरेन्द्र श्रेष्ठको कमाण्डमा खटिएको ६३ जनाको प्रहरी टोलिले अफिम खेति फडानी गरेको हो । प्रहरीले मकवानपुरको राक्सिराङ गाउँपालिकाको वडा नम्बर ४, ५, ७, ८, ९ र कैलाश गाउँपालिकाको वडा नम्बर ४, ७, ८ लगायतको वडाहरुमा ९० बिगाह क्षेत्रफलमा लगाईएको अवैध लागुऔषध अफिम खेती फडानी गरी नष्ट गरेको छ ।
