हेटौंडाः एक साता यता मकवानपुर प्रहरीको दैनिकी नियम उल्लंघन गर्ने सवारी साधनलाई कारवाही गर्ने र मास्क नलगाउने सर्वसाधारणलाई जरिवाना गर्नु रहेको छ ।
बुधबार पनि ट्राफिक नियम उल्लंघन गर्ने ६० वटा सवारीसाधनलाई कारवाही गरिएको जिल्ला प्रहरी कार्यालय मकवानपुरले जनाएको छ । जिल्ला प्रहरी कार्यालय मकवानपुर, जिल्ला ट्राफिक प्रहरी कार्यालय मकवानपुर र मातहत कार्यालय समेतबाट खटिएको प्रहरी टोलीले हेटौंडा–११, थानाभर्याङ, हेटौंडा–१५, रातोमाटे, हेटौंडा–१९, बस्तीपुर, मनहरी–७, भीमफेदी–२ मा प्रहरीले सुरक्षाजाँच गर्ने क्रममा नियम उल्लंघन गर्ने टिपर, अटो र मोटरसाइकल गरी ६० वटा सवारीसाधनलाई कारवाहि गरिएको जनाएको छ । यस्तै बुधबार मकवानपुर प्रहरीले मास्क नलगाई हिँड्ने ९ जनालाई कारवाही स्वरुप जनही एक सय रुपैयाँका दरले जारिवाना गरिएको जनँएको छ ।
