हेटौंडाः मकवानपुरको मनहरी गाउँपालिकामा रुखमा झुन्डिएको अवस्थामा एक पुरुषको शव फेला परेको छ । सोमबार बिहान मनहरी–३ हाँडीखोलाका २८ बर्षीय रमेश सुवेदीको शव उसको घर नजिकको जंगलको रुखमा झुन्डिएको अवस्थामा फेला परेको प्रहरीले जनाएको छ ।
घटनास्थलमा प्रहरी पुगेर शव पोष्टमार्टमका लागि हेटौंडा अस्पताल ल्याउने तयारी भइरहेको जिल्ला प्रहरी कार्यालय मकवानपुरका प्रहरी प्रवक्ता प्रहरी निरीक्षक जयश्वर रिमालले जानकारी दिनुभयो । घटनाको बारेमा अनुसन्धान भइरहेको पनि उहाँले बताउनुभयो ।
