हेटौंडा : पछिल्लो २४ घण्टामा मकवानपुरमा २ जनामा मात्र कोरोना संक्रमण देखिएको छ । स्वास्थ्य कार्यालयले दिएको जानकारी अनुसार १६ जनामा गरिएको एन्टिजेन परिक्षणमा २ जनामा संक्रमण देखिएको हो । संक्रमण हुनेमा हेटौंडा उपमहानगरपालिकाका १ जना र थाहा नगरपालिकाका १ जना रहेका छन् ।
यस्तै, शनिबार होम आइसोलेसनमा बस्ने २२ जना र संस्थागत आइसोलेसनमा बस्ने १ जना कोरोना संक्रमित कोरोना मुक्त भएका छन् । हाल संस्थागत आइसोलेसनमा १० जना र होम आइसोलेसनमा १७३ जना कोरोना संक्रमित उपचाररत रहेका छन् । हाल जिल्ला भरी १८३ जना कोरोनाका संक्रिय संक्रमित रहेका छन् ।
