हेटौंडाः मकवानपुर प्रहरीले खैरोहेरोइन जस्तो देखिने पदार्थसहित हेटौंडाका ३ जनालाई पक्राउ गरेको छ । सोमबार प्रहरीले हटौंडा–५ बस्ने बर्ष ३२ को एन्जल मास्केको घरको कोठामा चेकजाँच गर्दा एन्जल मास्केको साथबाट लागुऔषध खैरो हेरोईन जस्तो देखीने पदार्थ २५० मिलिग्राम फेला परेको हो ।
लागुऔषध जस्तो देखिने पदार्थ खरिद गर्न एन्जलको कोठामा आएका हेटौंडा–१४ का बर्ष ३० को सरोज डंगोल र हेटौंडा–१ बस्ने बर्ष ३४ को शुशिल कुमार लामालाई पनि प्रहरीले पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले बताउनुभयो । उनीहरुमाथि थप अनुसन्धान भइरहेको प्रहरी प्रवक्ता रिमालले जानकारी दिनुभयो ।
