हेटौंडाः काठमाडौंबाट हेटौंडातर्फ आउँदै गरेको सुमो शनिबार साँझ ८ बजे त्रिभूवन राजपथअन्तर्गत भीमफेदी गाउँपालिका–९, गोलमोडमा दुर्घटना भएको छ । दुर्घटनामा परी सुमोमा सवार १० जनामध्ये तीनजनाको अवस्था गम्भीर रहेको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिनुभएको छ ।
ना १ ज ४१३८ नम्बरको सुमो सडकबाट करिब एक सय ५० मिटर तल खसेको प्रवक्ता रानाले बताउनुभएको छ । सुमो चालक फरार रहेको र घाइतेहरुको पनि पहिचान खुल्न नसकेको प्रहरीको भनाइ छ । गम्भीर घाइते तीन जनालाई उपचारका लागि हेटौंडा ल्याउँदै गरेको छ । दुर्घटनापछि थाहा नगरपालिकाको सिमभञ्ज्याङस्थित प्रहरी चौकीका प्रहरीहरु उद्दारका लागि घटनास्थलमा पुगेका थिए ।
