हेटौंडाः मोबाइल एसोसिएसन अफ नेपाल मकवानपुरको नवनिर्वाचित समितिका पदाधिकारीहरु शुक्रबार पदस्थापित भएका छन् । शुक्रबार साँझ हेटौंडामा एक समारोहका बीच दिनेश लामाको अध्यक्षतामा सर्वसम्मत नवनिर्वाचित समितिका पदाधिकारीहरु पदस्थापित भएका हुन् ।
प्राविधिक शिक्षा तथा व्यावसायिक तालिम परिषद् (सिटिइभिटी) को बागमती प्रदेश कार्यालयका प्रमुख शलेन्द्र आचार्यको प्रमुख आतिथ्यमा पदस्थापन कार्यक्रम भएको हो । कार्यक्रममा हेटौंडा उपमहानगरपालिकाको १ नम्बर वडा अध्यक्ष सविन न्यौपानेको पनि उपस्थिति रहेको थियो ।
