हेटौंडाः प्राज्ञिक विद्यार्थी परिषद्ले हेटौंडा उपमहानगरस्तरीय एकदिवसीय अभ्यास वर्गको आयोजना गरेको छ । मावि तहमा अध्ययनरत विद्यार्थीका लागि आयोजना गरिएको अभ्यास वर्गमा विद्यार्थीको अनुशासन, नैतिकता एवम् मर्यादाका बारेमा चर्चा गरिनेछ ।
हेटौंडा–१० स्थित नारायणी कलेजमा अभ्यास वर्गको उद्घाटनमा नारायणी कलेजका प्रिन्सीपल रघुनाथ खराल, प्राध्यापक ह्यग्रीव आचार्यले प्राज्ञिक विद्यार्थी परिषद्को अभियान सराहनीय रहेको बताउनुभयो । अभ्यास वर्गमा प्राज्ञिक विद्यार्थी परिषद्का केन्द्रीय सचिव क्षीतराज न्यौपाने, भरतपुर महानगर समितिका सचिव आदर्शन सापकोटाले सहजीकरण गर्नुहुने प्राज्ञिक विद्यार्थी परिषद् हेटौंडाका अभियन्ता लक्षमण तामाङले जानकारी दिनुभएको छ ।
