हेटौंडाः नेपाल जेसीजको कार्यकारिणी उपाध्यक्षमा हेटौंडाका अरुण दाहाल विजयी हुनुभएको छ । रुपन्देहीको भलबारीमा शुक्रबार भएको निर्वाचन कार्यक्रमबाट जेसीआई हेटौंडाका वर्ष २०१७ का अध्यक्ष दाहाल कार्यकारिणी उपाध्यक्षमा दोस्रो नम्बरमा निर्वाचित हुनुभएको हो । उहाँले नौं सय ९९ मत प्राप्त गर्नुभएको छ ।
नेपाल जेसीजको महाधिवेशनबाट अरुणेश्वर खनाल राष्ट्रिय अध्यक्षमा निर्वाचित हुनुभएको छ । बागमती प्रदेशको चितवन जिल्लास्थित बीस हजारी जेसीजबाट प्रतिनिधित्व गर्नुभएका खनालको निकटतम् प्रतिद्वन्द्वी दाङ जिल्लाको त्रिभूवननगर जेसीजका लालमणि भण्डारी रहनुभएको थियो । नेपाल जेसीजको महाधिवेशनबाट एकजना अध्यक्ष, ४ जना कार्यकारिणी उपाध्यक्ष र १२ जना उपाध्यक्ष चयन भएका छन् ।
