हेटौंडाः नेपाल रेडक्रस सोसाइटी फापरबारी उपशाखाको आयोजनामा मङ्गलबार रक्तदान कार्यक्रम भएको छ । बागमती गाउँपालिकाको फापरबारीमा भएको रक्तदान कार्यक्रममा ४१ जनाले रक्तदान गरेको रक्तदान सञ्चार केन्द्र हेटौंडा शाखाका प्राविधिक किशोर सापकोटाले जानकारी दिनुभएको छ ।
फापरबारी रेडक्रस उपशाखाका सभापति नरबहादुर थापाको सभाध्यक्षतामा भएको कार्यक्रममा बाग्मती गाउँपालिका अध्यक्ष सर्केस घलानको प्रमुख आतिथ्य रहेको थियो । कार्यक्रममा नेपाल रेडक्रस सोसाइटी मकवानपुर जिल्ला शाखाका कार्यवाहक सभापति लालबहादुर थापा, कार्यालय प्रमुख लक्ष्मण भट्टराई, रक्तसञ्चार केन्द्र हेटौंडाका प्रमुख टंक दहालको उपस्थिती रहेको थियो ।
