हेटौंडाः नेपालको पूर्वीक्षेत्र झापा जिल्लाकी १६ वर्षीया किशोरी टीका कोईरालाको हेटौंडाबाट उद्दार गरिएको छ । गएराती हेटौंडा–१३, पदमपाखेरीबाट कोईरालालाई मानवसेवा आश्रमका अभियन्ताहरुले प्रहरीको सहयोगमा उद्दार गरिएको जनाएको छ । झापाको चुलाचुली गाउँ तोरिबारी ठेगाना बताउने कोईराला कामको खोजीमा एक महिनाअघि हेटौंडा आइपुगेको र यहाँ विचल्लीमा परेको मानवसेवा आश्रमले जनाएको छ ।
मानसिक रुपमा स्वस्थ भए पनि लामो समयदेखि बिचल्लीमा परेकाले भावनात्मक रुपमा कमजोर अवस्था देखिएको मानवसेवा आश्रमका अध्यक्ष रामजी अधिकारीले जानकारी दिनुभएको छ । वडा अध्यक्ष मनोज वाईबाले बिचल्लीमा परेकी कोइरालाको उद्दार गर्न जानकारी गराएपछि उद्दार गरिएको अधिकारीको भनाइ छ । गए राती १० बजेको समयमा उद्दार गरी मानवसेवा आश्रममा राखेर बालिकालाई सहज महसुस गराउने प्रयास भइरहेको र थप सोधपुछपश्चात घर फर्काउन प्रयास गरिने उहाँले जानकारी दिनुभएको छ ।
